जंगलात प्राण्याची मीटिंग भरली

सिंहाची निवड बिनविरोध झाली



जंगलात निघाली सिंहाची स्वारी

बघायला जमली गर्दीच न्यारी



सोंड हलवत उभा अगडबंब हत्ती

कोल्हा शोधत होता नवीन युक्ती



जीराफने स्वागत केले हलवून मान

माकडाने सजवून ठेवले सारे रान



वाघाने फोडली मोठी डरकाळी

उंटाने ठेवली पंगत सायंकाळी



अस्वलाने बनवलं जेवण भारी

 सशाने मेहनत  घेतली खरी



कासवाने वाढले जेवण सर्वाना

हसायचा कुणाला नव्हता परवाना



शांत पंगतीत गेंड्याला आले हसू

झेब्रा म्हणाला आपण शांतच बसू



आटोपून जेवण गेले जंगलात सर्व

लांडग्याच्या मात्र काही जाईना गर्व



जंगलाचा पुन्हा सिंहच होता राजा

भीतीने सर्वांचा वाजला होता वाजा

By mayu1422

मराठी भाषेचे जतन व संवर्धन ..तसेच मराठी भाषेचा प्रचार व प्रसार

130 thoughts on “जंगलाची निवडणूक”

Leave a Reply

Your email address will not be published.